"يا جماعة أبداً مو المقصود من الموضوع إنو حدا يزعل، وخصوصي البنات لأنو أنا بنت زيي زيكم، اقرؤا الموضوع للآخر إذا سمحتو" - قال صلى الله عليه وسلم: "لا يؤمن أحدكم حتى يحب لأخيه ما يحب لنفسه". - لو تمعن أي شخص في الحديث السابق لوجد المتطلب الأساسي للإيمان في حياة المسلم، لكن للأسف هل هناك من يتعظ أو يعتبر؟ إن شاء الله، هذا هو جل ما أتمناه! - لا أستطيع الكذب أو التظاهر أكثر من ذلك، لا أستطيع أن أخفي الحقيقة أكثر من ذلك: اللهم رد كيد كل من كاد لأخيه المسلم بالباطل في نحره. - في أكتر من موضع كانت هاي المخلوقة البشرية تيجي وتحكي لأمي أو لأختي: "جبرتلِّك في خاطرها"، يعني نفسي أعرف لهلأ ليش هالقد كان نفسها ينكسر خاطري، للأسف إنها إنسانة عندها تخلف فكري وما رح تقرأ هادا الحكي اللي أنا كاتبتو ولا كان نفسي أحكيلها: ما عاش ولا كان اللي بدو يكسر في خاطري، وما انولد لسه اللي يحصلو الشرف إنو يجبر في خاطري، والله بيعطي الناس على قد نيتهم والله يمهل ولا يهمل، فما تفكري إنو في إمهال الله إلك إهمال، وكوني متأكدة إنو لما الله يعاقب إنسان على أفعالو، ما بيعاقبو على طول، بالعكس بيخليه في قمة السعادة والبعد عن الله واليقين من إنو سوف ينجو بأفعاله، ومن القمة يسحبه إلى قاع القاع، وأنا بعرف إنك بتفكري إنو المشاكل كلها اللي صارت معي عقاب من رب العالمين، بس الحمد لله أنا واثقة من إني ما عملت إشي أغضب فيه رب العالمين، وعلى فكرة أنا اللي صار معي من باب قوله عز وجل: "المؤمنون أشد بلوة" ومن باب قول الرسول صلى الله عليه وسلم: "إن الله إذا أحب عبداً ابتلاه" بس للأسف لأنك ما بتعرفي إشي عن الإيمان ولا حتى عمرك شميتي ريحتو إلا لما الله يبتليك بالقليل فما رح تفهمي شو بحكي، الحمد لله أنا عمري ما تمنيتلك ولا لأي حدا من ولادك وبناتك الشر اللي بتتمنيه إلي وإن شاء الله إنو يثبتني على اليقين اللي في قلبي، ويرزقك بأفضل منو، وبإذن الله عمري ما رح أتمنالك الشر، الله يهديك ويوريك اليقين والطريق اللي وراني إياه، لأنك رح تتيقني ساعتها إنو كل الدنيا ما بتسوى ساعة يقضيها الإنسان في المحشر وهي الشمس بتقترب منو والعرق ينزل منو على قدر أعمالو ومش عارف شو مصيره لوين: لجنة أو لنار؟! بعرف إنك من 10 سنين لهلأ ما كلّيتي ولا ملّيتي، وما رح يهدالك بال حتى تشوفي حياتي دمار أو حتى أسافر لآخر الدنيا وأنقلع من وجهك، وبعرف إني رح أشوفك خلال فترة قصيرة وزي دايماً رح تطلع عينيكي من وجهك من كتر ما حتحاولي تاكليني بنظرات الشماتة، بس ما تخافي معي حدا مش معك، بتعرفي مين هو؟ الـلـه، له الحمد وله الشكر. كنت له عبداً - بيت الشعر هذا ينطبق حقيقةً على من علمني حرفاً، فما بالك بمن علمني أبحديةً كاملةً متكاملةً؟! - ستي انبسطي هادا زمانك وزمن أمثالك: زمن حكم النسوان.... - عسى الله أن يهدي كل رجل لطريق الصواب وألا يبتليه بامرأة من أمثالك، وألا يبتلي النساء أيضاً بمضللةٍ مثلك!
من علمني حرفاً
Add a Comment
from Egypt
said:نور البلوج يا عمي،
بتعرفي سارةانا أبداً ما بحب أعمم، لأنو الخير في أمة الإسلام إلى يوم الدين،
بس ما بقدر أكذب يا سارة لأنو فعلاً كانتإلي خبرة كتير سيئة مع هاي البني آدمة، من 10 سنين لهلأ ما زهقت، ومش عارفة إيمتا رح تزهق،
بس لتعرفي أنا بآمن بإنو الله يمهل ولا يهمل،
الله يبارك فيكي وما يوقف حدا من شاكلتها بطريقك ...
from Morocco
said:معذرة..لم أجد فيما كتبت وماتم التعليق عليه به سوى كلام نسوان ، وليس حكم نسوان وكثير من النساء اللاءي حكمن دولاسجل التاريخ أن حكمهمن كان أفضل من حكم الرجال..ثمة فارق كبير بين حكمةالنساءوحكمهن وبين كلام النسوان .كثيرمن الرجال بل ومن الحكام العرب يعد كلامهم كلام نسوان.أنا أحب المرأة بالمطلق واحترمها واقدر فضائلها.
from Egypt
said:سيد فوزي شكراً كثيراً،
الكلام الذي قيل أعمق من أن يكون مجرد كلام نسوان، هذا أولاً،
ثانياً إذا لم تفهمه فهذه مشكلتك بصراحة لأن هذه حالة اجتماعية معقدة جداً يصعب فهمها لأحدٍ لم يمر بها،
شكراً لزيارتك :)
Add a Comment
<<Home
from Lebanon
صديقتي العزيزة
والله بعد اللي قلتي ما في شي ينقال و الي الله معه ما بيلزموا حدا
اثر شي فينه قلك الله يرد كيدها على حالها و الله ما يجبرلها خاطر بجاه النبي هي و كل اللي على شكلها
الدنيا كلها يمكن صايرة هيك ,بس لأ يمكن بيضل في ناس بتحبي الحياة كرمالهم
ضللي بخير حبيبتي